2015 jylǵy 27 naýryz ,Astana qalasy
Magıstraldyq temirjol jelisin paıdalaný qaǵıdalaryn bekitý týraly
Qazaqstan Respýblıkasynyń «Temirjol kóligi týraly» 2001 jylǵy 8 jeltoqsandaǵy Zańynyń 14-baby 2-tarmaǵynyń 34-10) tarmaqshasyna sáıkes buıyramyn:
1. Qosa berilip otyrǵan magıstraldyq temirjol jelisin paıdalaný qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev):
1) osy buıryqty zańnamamen bekitilgen tártipte Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa kóshirmelerin jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ınternet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardy oryndaý týraly málimetti usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin.
4. Osy buıryq onyń birinshi resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Investısııalar jáne damý mınıstriniń
mindetin atqarýshy J. QASYMBEK
«KELISILDI»
Qazaqstan Respýblıkasynyń Ulttyq ekonomıka mınıstri
____________ E. Dosaev
2015 jylǵy 30 sáýir
Qazaqstan Respýblıkasy Investısııalar jáne damý mınıstriniń mindetin atqarýshynyń
2015 jylǵy 27 naýryz № 366 buıryǵymen bekitilgen
Magıstraldyq temirjol jelisin paıdalaný qaǵıdalary
1. Jalpy erejeler
1. Osy Magıstraldyq temirjol jelisin paıdalaný qaǵıdalary (budan ári – Qaǵıdalar) «Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasynyń Zańy (budan ári – Zań) 14-baby 2-tarmaǵynyń 34-10) tarmaqshasyna sáıkes ázirlendi jáne magıstraldyq temirjol jelisin paıdalanýdy tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) arnaıy poezdar – Qazaqstan Respýblıkasynyń zańnamasyna sáıkes erekshe talaptar boıynsha taǵaıyndalatyn jolaýshylardy jáne/nemese asa mańyzdy áskerı nemese strategııalyq júkterdi tasymaldaýǵa arnalǵan poezdar;
2) grafık tarmaǵy – poezdyń jóneltý, mejeli jáne baratyn pýnktteri, jóneltý, kelý, tehnologııalyq turaqtar ýaqyty, ortasha júris ýaqyty, sondaı-aq poezdyń basqa da tehnıkalyq parametrleri kórsetilgen júrý marshrýtynyń grafıkpen beınelenýi;
3) dıspetcherlik keste – poezdardyń qozǵalys kestesinen shyǵyp qalǵan, kezekten tys, arnaıy, qosalqy poezdardyń, jolaýshy jáne júk poezdarynyń jedel qozǵalys jospary;
4) dıspetcherlik retteý – naqty ýaqyt rejıminde tasymaldaý prosesi operasııalaryn basqarý jáne monıtorıngileý prosesi;
5) jedel josparlaý – ulttyq ınfraqurylym operatory men tasymaldaýshynyń 12 (on eki) saǵattyq kezeńderge bólip, bir táýlikke arnalǵan jumys josparyn jasaý prosesi;
6) júk tasymaldaýdyń aılyq jospary – tasymaldaýshy jasaıtyn jáne kúntizbelik aıǵa tıeý kólemderi, vagon aǵyndarynyń korrespondensııalary boıynsha boljamdy derekterdi kórsetetin qujat;
7) kezekten tys poezdar – qozǵalys grafıginde kózdelmegen (qalpyna keltirý jáne órt sóndirý poezdary, qar tazartqyshtar, vagonsyz lokomotıvter, ózdiginen júretin arnaıy jyljymaly quram), poezdar qozǵalysyndaǵy kedergilerdi joıýǵa, boljanbaǵan jumystardy oryndaýǵa jáne kólik quraldaryn tıisinshe kóshirýge arnalǵan poezdar;
8) qosalqy poezdar – jolaýshylardy otyrǵyzý pýnktterine, tehnıkalyq stansııalarǵa jáne turaqtaý pýnktterine bara jatqan jeke lokomotıvter nemese lokomotıv toptary (toptamalary), jolaýshy vagondarynan, dızel jáne elektr seksııalarynan turatyn poezdar, sondaı-aq poezdardyń naqtylanǵan qozǵalys grafıginde qozǵalysy kózdelmegen ulttyq ınfraqurylym operatorynyń óz muqtajdaryna arnalǵan poezdar;
9) qosymsha ótinimder – poezdar qozǵalysynyń normatıvtik grafıgi qoldanysta bolǵan kezeńde tasymaldaýshylardan kelip túsken qosymsha tasymaldaýlarǵa magıstraldyq temirjol jelisi qyzmetterine qol jetkizýdi usynýǵa arnalǵan ótinimder;
10) qosymsha tasymaldar – poezdar qozǵalysynyń normatıvtik grafıginde kózdelmegen, magıstraldyq temirjol jelisiniń bos nemese belgilengen tártipte bosatylǵan ótkizý qabileti esebinen júzege asyrý múmkin bolatyn qosymsha qozǵalys tarmaqtaryn bólýdi talap etetin tasymaldar;
11) magıstraldyq temirjol jelisiniń qyzmetteri – ulttyq ınfraqurylym operatory kórsetetin, poezdardy ótkizý jáne qozǵalysy úshin magıstraldyq temirjol jelisin paıdalanýǵa baılanysty qyzmetter;
12) magıstraldyq temirjol jelisiniń qyzmetin kórsetýge arnalǵan shart (budan ári – shart) – «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 7-baby 8) tarmaqshasyna sáıkes tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn ýákiletti organmen bekitilgen magıstraldyq temirjol jelisi qyzmetterin kórsetýge arnalǵan úlgi shartqa sáıkes tasymaldaýshy men ulttyq ınfraqurylym operatory arasynda jasalǵan magıstraldyq temirjol jelisi qyzmetterin kórsetýge arnalǵan shart;
13) magıstraldyq temirjol jelisiniń ótkizý qabiletiniń úlesi (grafık tarmaqtarynyń sany) – ýaqyttyń belgili bir aralyǵynda magıstraldyq temirjol jelisiniń qandaı da bir bóliginde poezdar (poezd juby) qozǵalysynyń barynsha joǵary mólsherin qamtamasyz etý jónindegi onyń áleýetti múmkindigi;
14) magıstraldyq temirjol jelisiniń ótkizý qabiletin bólý – osy Qaǵıdalarda belgilengen qaǵıdattardyń negizinde ulttyq ınfraqurylym operatory júzege asyratyn barlyq tasymaldaýshylar poezdarynyń qozǵalys grafıgin qalyptastyrý rásimi;
15) magıstraldyq temirjol jelisi qyzmetterine qol jetkizýdi usynýǵa arnalǵan ótinim – magıstraldyq temirjol jelisi qyzmetterine qoljetimdilik alý úshin tasymaldaýshylar ulttyq ınfraqurylym operatoryna beretin qujat;
16) magıstraldyq temirjol jelisi qyzmetterine qol jetkizý – tasymaldaýshylardyń tasymaldardy júzege asyrý úshin magıstraldyq temirjol jelisi qyzmetterin alý múmkindigi;
17) magıstraldyq temirjol jelisi qyzmetterin kórsetýge arnalǵan uzaq merzimdi shart – ulttyq ınfraqurylym operatory men tasymaldaýshy arasynda keminde 5 (bes) jyldyq kezeńge jasalǵan magıstraldyq temirjol jelisi qyzmetterin kórsetýge arnalǵan shart;
18) magıstraldyq temirjol jelisi ýchaskeleriniń tehnıkalyq ereksheligi (budan ári – tehnıkalyq erekshelik) – magıstraldyq temirjol jelisi ýchaskeleriniń jáne stansııalarynyń tehnıkalyq sıpattamalaryn, magıstraldyq temirjol jelisi ýchaskeleriniń táýliktik ótkizý qabileti, júk poezdarynyń qabyldaý-tapsyrýdyń (almasýdyń) boljamdy ýaqyty, magıstraldyq temirjol jelisiniń ótkizý qabiletiniń rezervtelgen úlesteri, jóndeýdiń josparly merzimderi, magıstraldyq temirjol jelisi ýchaskeleriniń erkin ótkizý qabileti týraly málimetterdi, grafık tarmaqtarynyń jobalaryn qamtıtyn ulttyq ınfraqurylym operatory jasaǵan jáne bekitken qujat;
19) magıstraldyq temirjol jelisi ýchaskesiniń ótkizý qabileti – magıstraldyq temirjol jelisiniń, jyljymaly quramnyń tehnıkalyq jáne tehnologııalyq múmkindikterine jáne túrli sanattaǵy poezdardyń ótkizilýin eskere otyryp, poezdardyń qozǵalýyn uıymdastyrý tásilderine qaraı esepti ýaqyt kezeńi (táýlik) ishinde magıstraldyq temirjol jelisiniń ýchaskesi boıynsha ótkizilýi múmkin poezdardaǵy (poez juptaryndaǵy) qozǵalys mólsheri;
20) magıstraldyq temirjol jelisi ýchaskesiniń táýliktik ótkizý qabiletiniń segmenti – bólek pýnktter arasynda jyldamdyqtary jáne júrý ýaqyty jaqyn poezdardy ótkizý úshin bólingen táýliktiń ýaqyt kezeńi;
21) ótkizý qabiletin berýge jedel suraý salý – ulttyq ınfraqurylym operatorynyń dıspetcheri belgilengen tártippen tirkeıtin, ótkizý qabiletiniń úlesin bólý jáne dıspetcherlik keste sheńberinde arnaýly jáne qosalqy poezdar qozǵalysyn uıymdastyrý týraly tasymaldaýshynyń ýákiletti ókiliniń qujaty;
22) poezdardyń qozǵalys grafıgi – ulttyq ınfraqurylym operatorynyń magıstraldyq temirjol jelisi ýchaskelerinde barlyq sanattaǵy poezdar qozǵalysyn uıymdastyrýdy belgileıtin, shartty táýlikterdegi masshtabty torda poezdardyń júrýin grafık túrde kórsetetin, poezdar qozǵalysynyń normatıvtik (josparly jylǵa), nusqalyq (ýaqyttyń jekelegen kezeńderinde) jáne jedel (aǵymdaǵy josparly táýlikke) grafıgi bolyp bólinetin qujaty;
23) poezdardyń qozǵalys kestesi – poezdar qozǵalysy grafıginiń negizinde belgili bir kúntizbelik kúnder boıynsha poezdar qozǵalysy týraly aqparaty qamtıtyn qujat;
24) poezdardyń naqtylanǵan qozǵalys grafıgi – qosymsha tasymaldardy, sondaı-aq grafık tarmaqtary ýaqytynyń naqtylanýyn eskere otyryp, magıstraldyq temirjol jelisi qyzmetterine qoljetimdilik berýge arnalǵan ótinimde kórsetilgen tasymaldaý kólemderiniń túzetýleri negizinde belgili bir kúntizbelik aıǵa naqtylanǵan poezdar qozǵalysynyń normatıvtik grafıginiń nusqasy;
25) poezdardy qalyptastyrý jospary – tasymaldaýshylardyń poezdardy qalyptastyrý jospary jobalarynyń negizinde ulttyq ınfraqurylym operatory bekitken, magıstraldyq temirjol ýchaskeleriniń ótkizý qabiletin jáne stansııalardyń óńdeý qabiletin eskere otyryp, temirjol stansııalarynda qalyptastyrylatyn poezdardyń sanattary men mejeli baǵyttaryn belgileıtin qujat;
26) poezdar qozǵalysynyń jıyntyq táýliktik jospary – josparlanyp otyrǵan táýlikte poezdar qozǵalysyn dıspetcherlik retteý jáne uıymdastyrý úshin tasymaldaýshylardyń poezdar qozǵalysynyń táýliktik josparlary negizinde ulttyq ınfraqurylym operatory jasaǵan qujat;
27) poezdar qozǵalysynyń táýliktik jospary – ulttyq ınfraqurylym operatory bekitken nysan boıynsha tasymaldaýshy jasaǵan jáne jóneltiletin poezdar, poezdar qozǵalysynyń jıyntyq kestesine sáıkes lokomotıvter men lokomotıv brıgadalarynyń aýysýy týraly aqparatty, sondaı-aq kestede kózdelmegen poezdardy ótkizýge arnalǵan ótinimdi qamtıtyn qujat;
28) tasymaldardyń jıyntyq aılyq jospary – tasymaldaýshylar málimdegen aılyq júk tasymaldaý josparlarynyń negizinde Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesimen jáne qatysy bar temirjol ákimshilikterimen kelisý úshin ulttyq ınfraqurylym operatory jasaıtyn qujat;
29) tasymaldardy aılyq josparlaý – magıstraldyq temirjol qyzmetterin kórsetýge jasalǵan shart sheńberinde tasymaldaýshynyń júk, vagon jáne poez aǵyndaryn jáne tasymaldardy uıymdastyrý úshin stansııalarda vagondardy óńdeý kólemderin aılyq modeldeý (boljaý) prosesi;
30) tasymaldardy josparlaý – qyzmetter kórsetýge jasalǵan sharttarǵa sáıkes belgilengen ýaqyt kezeńine (jyl, aı, táýlik) magıstraldyq temirjol jelisi obektilerinde (ýchaskeler men stansııalarda) tasymaldar josparyn ázirleý;
31) tasymaldaýshynyń poezdardy qalyptastyrý josparynyń jobasy – poezdardy qalyptastyrý tártibi men sanattaryn, qalyptastyrý, óńdeý, taratý stansııalaryn aıqyndatyn, magıstraldyq temirjol jelisi ýchaskeleriniń tehnıkalyq erekshelikteriniń derekterin eskere otyryp, Táýelsiz Memleketter Dostastyǵynyń temirjol kóligi jónindegi ortalyq keńesi jáne Temir joldar yntymaqtastyǵy uıymy qabyldaǵan kelisimderde belgilengen qaǵıdattar men talaptar negizinde júk túrine qaraı tasymaldaýshylar úshin naryqtyq turǵyda qolaıly jetkizý merzimderin qamtamasyz etetin vagon aǵyndaryn poezdarǵa uıymdastyrý josparynyń jobasy;
32) tasymaldaýshynyń poezdar qozǵalysynyń kestesi men grafıginiń jobasy – magıstraldyq temirjol jelisi ýchaskeleriniń tehnıkalyq erekshelikteriniń derekterin eskere otyryp, belgili bir kúntizbelik kúnder boıynsha stansııalar boıynsha poezdardy jóneltý, tehnologııalyq toqtap turý, kelý ýaqytyn kórsetetin keste jáne grafık nysanynda tasymaldaýshy jasaǵan qujat;
33) tasymaldaýshynyń tehnıkalyq jospary – tasymaldaýshy jasaıtyn jáne kúntizbelik aıǵa onyń paıdalaný jumysynyń tehnıkalyq normalaryn, sondaı-aq ishki jáne syrtqy túıisýler boıynsha poezdar men vagondardy qabyldaýdyń/tapsyrýdyń normatıvti kólemderin kórsetetin qujat;
34) tasymaldy júzege asyrýdyń tehnıkalyq jáne tehnologııalyq múmkindigi – magıstraldyq temirjoldardyń jáne bólek pýnktterdiń poezdardyń qaýipsiz qozǵalysyn, kedergisiz ótkizýdi, qabyldaýdy, óndeýdi jáne jóneltýdi júzege asyrý jónindegi qabileti;
35) tehnıkalyq jospar – tasymaldardyń jıyntyq jospary, tasymaldaýshylardyń tehnıkalyq josparlarynyń jáne Táýelsiz Memleketter Dostastyǵynyń temirjol kóligi jónindegi ortalyq keńesi aqparatynyń negizinde ulttyq ınfraqurylym operatory jasaıtyn qujat;
36) shtattan tys jaǵdaı – magıstraldyq temirjol jelisi obektilerindegi aqaýlyqtar nátıjesinde poezdardyń qozǵalys qaýipsizdigine qaýip tóndiretin ne poezdardy ótkizý úshin kedergi keltiretin mán-jaı.
Osy Qaǵıdalarda paıdalanylatyn ózge de uǵymdar Zańda aıqyndalǵan maǵynalarda qoldanylady.
3. Magıstraldyq temirjol jelisi qyzmetterine qol jetkizý úshin tasymaldaýshy ınfraqurylym operatoryna osy Qaǵıdalarǵa qosymshaǵa sáıkes nysan boıynsha magıstraldyq temirjol jelisi qyzmetterine qol jetkizý quqyǵyn usynýǵa arnalǵan ótinimdi (budan ári – ótinim) jiberedi.
4. Tasymaldaýshynyń magıstraldyq temirjol jelisi qyzmetterine ruqsat alýǵa arnalǵan ótinimin ulttyq ınfraqurylym operatory málimdegen kólemderge ne basqa da jaǵdaılarǵa qaramastan, teń jaǵdaıda qabyldaıdy.
5. Tasymaldaýshynyń osy Qaǵıdalarda belgilengen sharttardy saqtaýy shart jasasý úshin negiz bolyp tabylady.
Shart jasaspaı magıstraldyq temirjol jelisin paıdalanýǵa jol berilmeıdi.
6. Tasymaldaýshynyń magıstraldyq temirjol jelisiniń kórsetken qyzmetteri úshin aqy «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 13-baby 1 tarmaǵynyń 4) tarmaqshasyna sáıkes tabıǵı monopolııalardy retteý salalaryndaǵy jáne retteletin naryqtaǵy basshylyqty júzege asyratyn ýákiletti organmen bekitilgen tarıfter boıynsha júrgiziledi.
2. Magıstraldyq temirjol jelisin paıdalaný tártibi
1-Paragraf. Magıstraldyq temirjol jelisi qyzmetterine qoljetimdilikti berý
7. Magıstraldyq temirjol jelisi qyzmetterine qoljetimdilik osy Qaǵıdalarmen belgilengen tártipte jáne «Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 7-baby 3) tarmaqshasyna sáıkes tabıǵı monopolııalar salalaryndaǵy jáne retteletin naryqtardaǵy basshylyqty júzege asyratyn ýákiletti organmen bekitilgen Tabıǵı monopolııalar salasyndaǵy rettelip kórsetiletin qyzmetterge (taýarlarǵa, jumystarǵa) qol jetkizýdiń teń jaǵdaılaryn usyný qaǵıdalaryna sáıkes usynylady:
1) onda poezdar qozǵalysyn uıymdastyrý úshin magıstraldyq temirjol jelisiniń tehnıkalyq jáne tehnologııalyq múmkindikterine;
2) magıstraldyq temirjol jelisiniń ótkizý qabiletiniń bolýyn jáne ony paıdalaný boıynsha tasymaldaýshylar usynystaryn jáne magıstraldyq temirjol jelisi qyzmetterine qol jetkizý qaǵıdattary negizinde ulttyq ınfraqurylym operatorynyń magıstraldyq temirjol jelisiniń ótkizý qabiletin bólýine;
3) júk poezdaryn qalyptastyrý josparyn jáne poezdar qozǵalysy grafıgine;
4) magıstraldyq temirjol jelisiniń shekteýli ótkizý qabileti jaǵdaıynda, normatıvtik grafıkke sáıkes tasymaldaýshylarǵa magıstraldyq temirjol jelisi qyzmetterine qoljetimdilikti berý kezektiliginiń saqtalýyna;
5) Zańnamaǵa sáıkes temirjol tasymaldaryn júzege asyrýǵa kedergi bolatyn tyıym salýlar men shekteýlerdiń bolmaýy.
8. Tasymaldaýshylarǵa magıstraldyq temirjol jelisiniń qyzmetterine qoljetimdilik berýdiń kezektiligi mynadaı belgilerden anyqtalady:
1) poezd sanattary;
2) poezdardyń sanaty birdeı bolǵan kezde mynalarǵa:
tasymaldaý kólemderi boıynsha sharttyq mindettemelerdiń oryndalýyn eskere otyryp, magıstraldyq temirjol jelisi qyzmetterin kórsetýge arnalǵan uzaq merzimdi sharttardyń (keminde 5 jyldyq merzimge) bolýyna;
ótkizý qabiletin tasymaldaýshynyń paıdalaný qarqyndylyǵyna;
qoldanystaǵy sharttyń bar bolýyna ne merzimin uzartýyna baılanysty;
3) osy tarmaqtyń 1) jáne 2) tarmaqshalarynda kórsetilgen krıterııler birdeı bolǵan kezde, ótinishti berý merzimi.
9. Magıstraldyq temirjol jelisi qyzmetterine qol jetkizý quqyǵyn berý tártibi myna kezeńde qamtıdy:
1) ulttyq ınfraqurylym operatorynyń tehnıkalyq erekshelikti ázirleýi jáne jarııalaýy;
2) tasymaldaýshynyń magıstraldyq temirjol jelisi qyzmetterine qol jetkizý quqyǵyn alýǵa arnalǵan ótinimdi berýi;
3) ulttyq ınfraqurylym operatorynyń magıstraldyq temirjol jelisi qyzmetterine qoljetimdikti alýǵa arnalǵan ótinimdi qaraýy;
4) poezdar qozǵalysynyń grafıgin jáne poezdar qozǵalysy kestesin bekitý;
5) osy Qaǵıdalarǵa sáıkes shart jasasý.
10. Poezdar qozǵalysynyń normatıvtik grafıgine sáıkes grafıktiń belgili bir tarmaǵy boıynsha magıstraldyq temirjol jelisi qyzmetterine qoljetimdilik, uzaq merzimdi sharttardan týyndaıtyn quqyqtardy qospaǵanda, tasymaldaýshylarǵa poezdar qozǵalysy kestesi qoldanysynyń bir merziminen aspaıtyn merzimge (1 jyl) beriledi.
11. Poezdar qozǵalysynyń normatıvtik grafıginde kózdelmegen qosymsha tasymaldar boıynsha magıstraldyq temirjol jelisi qyzmetterine qoljetimdilikti berý osy Qaǵıdalarda belgilengen tártippen qosymsha ótinimder negizinde júzege asyrylady.
2-Paragraf. Magıstraldyq temirjol jelisi ýchaskeleriniń tehnıkalyq ereksheligi
12. Ulttyq ınfraqurylym operatory jyl saıyn, magıstraldyq temirjol jelisi qyzmetterine arnalǵan ótinimderdi qabyldaý bastalatyn kúnge deıin keminde 3 (úsh) aıdan keshiktirmeı tehnıkalyq erekshelikti bekitedi jáne jarııalaıdy.
Tehnıkalyq erekshelikti jarııalaý ulttyq ınfraqurylym operatorynyń resmı ınternet-saıty arqyly júrgiziledi.
Tasymaldaýshy ınternet-resýrsta tirkelý arqyly tehnıkalyq erekshelikke qol jetkizedi.
13. Magıstraldyq temirjol jelisiniń ótkizý qabiletin ońtaılandyrý jáne utymdy paıdalaný maqsatynda ulttyq ınfraqurylym operatory tehnıkalyq erekshelikte magıstraldyq temirjol jelisi ýchaskeleriniń táýliktik ótkizý qabiletin olar boıynsha júrý ýaqytyn tehnıkalyq erekshelikte saralaı otyryp, magıstraldyq temirjol jelisiniń táýliktik ótkizý qabiletiniń segmentterine bóledi.
14. Tehnıkalyq erekshelikte:
1) magıstraldyq temirjol jelisi ýchaskeleriniń uzyndyǵyn jáne tartym túrin, poezdar quramdarynyń salmaǵy men uzyndyǵynyń normalaryn, túrli sanattaǵy poezdardyń qozǵalys jyldamdyqtaryn kórsete otyryp, poezdar qozǵalysyn uıymdastyrý úshin qajetti magıstraldyq temirjol jelisi ýchaskeleri men stansııalardyń tehnıkalyq sıpattamalary;
2) magıstraldyq temirjol jelisi ýchaskeleriniń táýliktik ótkizý qabiletiniń segmentteri;
3) halyqaralyq jolaýshylar qatynasy úshin grafık tarmaqtarynyń jobalary;
4) Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesiniń sheshiminde aıqyndalǵan árbir memleketaralyq túıisý pýnkti boıynsha júk poezdaryn qabyldaý-tapsyrýdyń (almasýdyń) boljamdy ýaqyty;
5) magıstraldyq temirjol jelisi ótkizý qabiletiniń ulttyq ınfraqurylym operatorynyń óz tehnologııalyq (sharýashylyq) qajettilikteri úshin rezervtelgen úlesteri;
6) magıstraldyq temirjol jelisiniń ótkizý qabiletiniń uzaq merzimdi sharttarǵa sáıkes rezervtelgen úlesteri;
7) magıstraldyq temirjol jelisi obektilerin ýchaskeler boıynsha jóndeýdiń josparly merzimderi;
8) Zańynyń talaptaryna sáıkes tasymaldardy oryndaý úshin ulttyq jolaýshylar tasymaldaýshy men ulttyq júk tasymaldaýshyǵa qajetti magıstraldyq temirjol jelisi ýchaskeleriniń ótkizý qabiletin qospaǵanda, magıstraldyq temirjol jelisi ýchaskeleriniń bos ótkizý qabileti kórsetiledi.
9) magıstraldyq temirjol jelisi ýchaskeleri boıynsha tasymaldardy josparlaýǵa jáne poezdar qozǵalysyn uıymdastyrýǵa arnalǵan ózge de málimetter men sharttar;
10) áleýmettik mańyzy bar qatynastar boıynsha jolaýshy tasymalyn júzege asyrýmen baılanysty tasymaldaýshylardyń zalaldaryn sýbsıdııalaý týraly jolaýshy tasymaldaýshylardyń ýákiletti organmen jasaǵan sharttaryna sáıkes rezervtelgen magıstraldyq temirjol jelisi ótkizý qabiletiniń úlesteri kórsetiledi.
3-Paragraf. Tasymaldaýshylardyń poezdardy qalyptastyrý josparlarynyń, poezdar qozǵalysynyń kesteleri men grafıkteriniń jobalaryn ázirleý
15. Tasymaldaýshy poezdardy qalyptastyrý josparynyń jobasyn ázirlegen kezde:
1) menshikti (jalǵa alynǵan) kirme joldyń tehnıkalyq múmkindikterinde, magıstraldyq temirjol jelisi ýchaskeleriniń tehnıkalyq ereksheliginde kórsetilgen ýchaskeler men stansııalardyń tehnıkalyq sıpattamalarynda;
2) Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesi jáne Temirjoldar yntymaqtastyǵy uıymy qabyldaǵan kelisimderde belgilengen talaptarda beriletin shekteýlerdi basshylyqqa alady.
16. Magıstraldyq temirjol jelisi qyzmetterine qol jetkizýge arnalǵan ótinimdi qaraý sheńberinde ulttyq ınfraqurylym operatory poezdardy qalyptastyrý josparyn jasaıdy.
17. Poezdardy qalyptastyrý jospary poezdar qozǵalysynyń normatıvtik grafıgin ázirleýmen bir merzimde jasalady.
18. Tasymaldaýshylardyń poezdar qozǵalysynyń kestesi men grafıginiń jobasyn tasymaldaýshy poezdar qozǵalysynyń normatıvtik grafıgi qoldanysta bolatyn kezeńge, mynalardy:
1) magıstraldyq temirjol jelisi obektilerin kúrdeli jóndeý jónindegi jumystardyń júrgizilýin (tehnologııalyq «úzilis»);
2) lokomotıv brıgadalarynyń úzdiksiz jumysynyń belgilengen uzaqtyǵynyń saqtalýyn;
3) tasymaldaý prosesi operasııalaryn oryndaýmen baılanysty emes vagondardyń toqtap turýy úshin menshikti (jalǵa alynǵan) kirme joldardyń tehnıkalyq múmkindikteriniń paıdalanylýyn;
4) bos vagondardyń júrý (qaıtarý) marshrýttaryn;
5) josparlanyp otyrǵan jyldamdyqtardyń jáne poezdyń júrý ýaqytynyń magıstraldyq temirjol jelisi ýchaskeleriniń ótkizý qabileti segmentteri úshin belgilengen jyldamdyqtar men júrý ýaqytyna sáıkestigin;
6) Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesimen kelisýdi talap etetin halyqaralyq jolaýshylar tasymaldary úshin rezervtelgen, sondaı-aq uzaq merzimdi sharttarǵa sáıkes rezervtelgen ótkizý qabileti úlesterin (grafık tarmaqtaryn) eskere otyryp, magıstraldyq temirjol jelisi ýchaskeleriniń tehnıkalyq erekshelikteri negizinde jasaıdy.
4-Paragraf. Magıstraldyq temirjol jelisine qoljetimdilik alý úshin ótinimdi berý jáne qaraý
19. Tasymaldaýshy ulttyq ınfraqurylym operatoryna osy Qaǵıdalarǵa qosymshaǵa sáıkes nysan boıynsha ótinim beredi, oǵan mynadaı qujattar jáne aqparat qosa beriledi:
1) ulttyq ınfraqurylym operatory bekitken nysan boıynsha tasymaldaýshynyń poezdardy qalyptastyrý josparynyń jobasy;
2) ulttyq ınfraqurylym operatory bekitken nysan boıynsha poezdar qozǵalysynyń kestesi men grafıginiń jobasy;
3) josparlanyp otyrǵan tasymaldardyń jyldyq kólemderi (grafıktiń ár tarmaǵy úshin toqsandar men aılar boıynsha bólý arqyly);
4) baǵyttar bólinisinde aılar boıynsha bólingen ótken jylǵy júk tasymaldaý kólemderi;
5) jyljymaly quramdy memlekettik tirkeý týraly kýálik;
6) jyljymaly quramǵa menshik quqyǵyn nemese paıdalaný quqyǵyn rastaıtyn qujat;
7) jyljymaly quramǵa tehnıkalyq qyzmet kórsetý jáne ony jóndeý bazasynyń bolýy týraly qujat nemese mundaı baza bolmaǵan kezde jóndeý jumystaryn júrgizýge arnalǵan shart (sharttar);
8) tasymaldaý josparlanǵan jyljymaly quramnyń:
túri men tıesiligi;
tasymaldaý josparlanǵan vagondardyń sany;
tasymaldaýdy qamtamasyz etý úshin tasymaldaýshy kózdegen lokomotıvterdiń úlgileri men sıpattamalary kórsetilgen tizbesi;
9) tasymaldaý qyzmetin júzege asyrý úshin ulttyq ınfraqurylym operatoryna aqparat berý jáne almasý úshin qajetti tasymaldaý qujattaryn (vagon paraqtary jáne anyqtama qaǵazdary) jasaý jáne óńdeýdiń tehnıkalyq múmkindiginiń bolýyn rastaıtyn aqparat (birinshi basshynyń nemese ony almastyratyn adamnyń qoly qoıylǵan hat) ne bolmasa mundaı múmkindigi bar tasymaldaýshymen jasalǵan shart;
10) júkterdi tasymaldaý boıynsha qyzmetti júzege asyrǵan jaǵdaıda:
«Ruqsattar jáne habarlamalar týraly» Qazaqstan Respýblıkasynyń 2014 jylǵy 16 mamyrdaǵy Zańyna sáıkes júkterdi tasymaldaý boıynsha qyzmetti júzege asyrýǵa lısenzııanyń kóshirmesi;
tasymaldanatyn júkterdiń túrleri týraly aqparat;
11) áleýmettik máni bar qatynastar boıynsha jolaýshylar tasymaldary jónindegi qyzmetti júzege asyrǵan jaǵdaıda, áleýmettik máni bar oblysaralyq qatynastar boıynsha temirjol jolaýshylar tasymalyn júzege asyratyn tasymaldaýshylardy aıqyndaý jónindegi ashyq tenderdiń qorytyndylary týraly hattamadan úzindi kóshirme nemese áleýmettik máni bar qatynas boıynsha tasymaldaýshynyń shyǵyndaryn sýbsıdııalaý týraly ýákiletti organmen jasasqan sharttyń kóshirmesi;
12) magıstraldyq temirjol jelisi ornalasqan aýmaqta ornalasqan zańdy tulǵany nemese fılıaldy memlekettik tirkeý (qaıta tirkeý) týraly anyqtama nemese kýálik;
13) Qazaqstan Respýblıkasy Qarjy mınıstriniń 2008 jylǵy 29 jeltoqsandaǵy N 622 buıryǵymen bekitilgen Derbes shottardy júrgizý erejeleriniń 18-qosymshasyna sáıkes tıisti memlekettik kirister organynyń salyqtyq bereshek jáne biryńǵaı jınaqtaýshy zeınetaqy qoryna mindetti zeınetaqy jarnalary boıynsha ótinish berilgen kúnniń aldyndaǵy úsh aıdan astam tóleý merzimi (Qazaqstan Respýblıkasynyń zańnamasyna sáıkes uzartylǵan jaǵdaıdy qospaǵanda) bereshektiń bolmaýy nemese bolýy týraly birinshi basshynyń nemese qol qoıý quqyǵy bar adamnyń qol qoıýymen (osy quqyqty rastaıtyn tıisti qujatty qosa bere otyryp), osy salyq organynyń móri basylǵan tıisti memlekettik salyq organynyń anyqtamasy. Eger anyqtamada bereshek kórsetilgen bolsa, anyqtama bergen adamnyń qoly qoıylǵan osy bereshek paıda bolǵan merzimdi rastaıtyn qujatty qosa berý qajet;
14) Qazaqstan Respýblıkasynyń saqtandyrý jáne saqtandyrý qyzmeti týraly zańnamasyna sáıkes jasalǵan temirjol kóligin, júkterdi jáne azamattyq-quqyqtyq jaýapkershilikti saqtandyrý sharttary;
15) sońǵy aýdıtorlyq tekserý esebiniń kóshirmesi jáne oǵan qosymsha;
16) josparlanyp otyrǵan qyzmetter kólemi qunynyń 0,1 %-yna (onnan bir paıyzyna) teń mólsherde ınfraqurylymǵa qol jetkizýdi berýge arnalǵan ótinimniń aqshalaı qamtamasyz etilýi (ne bolmasa atalǵan somaǵa bank kepildemesi);
17) shartqa qol qoıý quqyǵyna senimhat, eger zańdy tulǵanyń ókili birinshi basshy nemese birinshi basshynyń mindetin atqarýshy tulǵa bolmaǵan jaǵdaıda, senim bildirilgen tulǵa ókildik etedi;
18) lokomotıv brıgadalarynyń biliktiligi jáne olardyń qyzmet kórsetý ýchaskeleriniń josparlary men beıimderin bilýi týraly aqparat.
Qaǵıdalardyń osy tarmaǵynyń 16) tarmaqshasynda belgilengen talap vagondyq jóneltilimderdi júzege asyratyn tasymaldaýshyǵa qoldanylmaıdy.
20. Tasymaldaýshy ulttyq ınfraqurylym operatoryna beretin qaǵaz jetkizgishterdegi ótinim mynadaı talaptarǵa sáıkes bolýy tıis:
1) ótinim jáne oǵan qosa beriletin qujattar tigiledi, nómirlenedi jáne tasymaldaýshynyń mórimen, sondaı-aq onyń basshysynyń ne ol ýákilettik bergen tulǵanyń qol qoıýymen rastalady;
2) qosa beriletin qujattar túpnusqalar nemese olardyń kóshirmeleri bolyp tabylady, sońǵy jaǵdaıda ótinimge qol qoıatyn basshy ne bolmasa ol ýákilettik bergen tulǵa olardyń anyqtyǵy men tolyqtyǵyn jazbasha rastaıdy;
3) ótinim jáne oǵan qosa beriletin qujattar men aqparat memlekettik jáne (nemese) orys tilderinde beriledi jáne olarda túzetýler nemese tolyqtyrýlar bolmaıdy.
21. Magıstraldyq temirjol jelisi qyzmetterine qol jetkizý quqyǵyn berýge arnalǵan ótinimderdi qabyldaý tasymaldaý josparlanyp otyrǵan jyldyń aldyndaǵy jylǵy onynshy maýsymda bastalady jáne tasymaldaý josparlanyp otyrǵan jyldyń aldyndaǵy jylǵy jıyrma besinshi shildede aıaqtalady.
Áleýmettik mańyzy bar qatynastar boıynsha jolaýshy tasymalyn júzege asyratyn jolaýshy tasymaldaýshylar áleýmettik mańyzy bar qatynastar boıynsha jolaýshy tasymalyn júzege asyrýmen baılanysty tasymaldaýshylardyń zalaldaryn sýbsıdııalaý týraly ýákiletti organmen sharttar jasasqan soń, biraq josparlanyp otyrǵan tasymaldyń aldyndaǵy jylǵy 31 jeltoqsannan keshiktirmeı ótinimder beredi.
22. Ulttyq ınfraqurylym operatory ótinimdi tirkeıdi jáne tasymaldaýshyǵa ótinimniń rettik tirkeý nómiri, qabyldanǵan kúni, qabyldanǵan qujattardyń tizbesi kórsetilgen qujatty beredi.
23. Ulttyq ınfraqurylym operatory kelip túsken ótinimderdiń osy Qaǵıdalarda belgilengen talaptarǵa sáıkestigin tekseredi.
24. О́tinim osy Qaǵıdalarda belgilengen talaptarǵa saı bolmaǵan, sondaı-aq tasymaldaýshy dáıeksiz aqparat usynǵan jaǵdaıda, ulttyq ınfraqurylym operatory ótinim kelip túsken kúnnen bastap bes jumys kúni ishinde jazbasha túrde qabyldaýdan bas tartý sebepterin kórsete otyryp, ótinimdi qaraýǵa qabyldaýdan bas tartý týraly tasymaldaýshyny habardar etedi.
25. Ulttyq ınfraqurylym operatorynyń ótinimderdi qaraýdy jáne poezdar qozǵalysynyń normatıvtik grafıginiń bastapqy jobasyn qalyptastyrýdy aıaqtaý merzimi tasymaldaý josparlanyp otyrǵan jyldyń aldyndaǵy jylǵy jıyrma besinshi qarashada aıaqtalady.
26. Usynylǵan ótinimdegi málimetter ózgergen jaǵdaıda, poezdar qozǵalysynyń normatıvtik grafıgin qalyptastyrýǵa qajetti ótinimderdi qaraý kezeńinde (biraq ótinimderdi qaraý merzimi aıaqtalǵanǵa deıin keminde bir aı buryn) tasymaldaýshy ulttyq ınfraqurylym operatoryna bul týraly jazbasha habarlaıdy.
27. Ulttyq ınfraqurylym operatory poezdar qozǵalysynyń normatıvtik grafıginiń bastapqy jobasyn tasymaldaýshylardyń qaraýǵa qabyldanǵan ótinimderin jáne magıstraldyq temirjol jelisi ýchaskeleriniń ótkizý qabiletin barynsha paıdalanýyn eskere otyryp, ózdiginen jasaıdy.
Ulttyq ınfraqurylym operatory poezdar qozǵalysynyń bastapqy normatıvtik grafıginiń negizinde magıstraldyq temirjol jelisi qyzmetterine arnalǵan ótinimderdi qaraý qorytyndylary boıynsha ulttyq ınfraqurylym operatorynyń resmı ınternet-resýrsynda sheshimdi ornalastyrý arqyly tasymaldaý josparlanyp otyrǵan jyldyń aldyndaǵy jylǵy otyzynshy qarashaǵa deıingi merzimde grafıktiń shartty tarmaqtaryn bólý týraly sheshim jóninde tasymaldaýshylardy jazbasha túrde habardar etedi.
5-Paragraf. Poezdar qozǵalysynyń normatıvtik grafıgi men kestesin qalyptastyrý, ázirleý jáne bekitý
28. Ulttyq ınfraqurylym operatory tasymaldaý josparlanǵan jyldyń aldyndaǵy jylǵy 1 (birinshi) jeltoqsannan bastap Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesiniń sheńberinde ótkiziletin tehnıkalyq keńesterdiń sheshimderin eskere otyryp, poezdar qozǵalysynyń normatıvtik grafıginiń bastapqy jobasyn túzetedi.
29. Poezdar qozǵalysynyń normatıvtik grafıgin ázirlegen kezde ulttyq ınfraqurylym operatory poezdar qozǵalysynyń normatıvtik grafıgi qoldanysta bolatyn kezeńge poezdar qozǵalysynyń jıyntyq kestesiniń jáne poezdardy qalyptastyrý josparynyń jobasyn qalyptastyrady.
Poezdar qozǵalysynyń jıyntyq kestesiniń jobasy tasymaldaýshyǵa tasymaldaý josparlanǵan jyldyń aldyńdaǵy jyldyń qańtar aıynyń birinshi onkúndiginde beriledi.
30. Tasymaldaýshy poezdar qozǵalysynyń jıyntyq kestesi men poezdar qozǵalysynyń normatıvtik grafıginiń jobalaryn alǵan sátten bastap kúntizbelik on bes kún ishinde magıstraldyq temirjol jelisiniń ótkizý qabiletiniń bólingen úlesterin túzetý týraly usynystaryn jazbasha, jedelhatpen, faksogrammamen ulttyq ınfraqurylym operatoryna engizedi.
Tasymaldaýshynyń túzetý jónindegi usynystarynyń negizinde poezdar qozǵalysynyń normatıvtik grafıgi qoldanysqa engizilgenge deıin keminde úsh aı buryn ulttyq ınfraqurylym operatory normatıvtik grafıkti jáne poezdar qozǵalysynyń jıyntyq kestesin bekitedi jáne ol ulttyq ınfraqurylym operatorynyń poezdar qozǵalysynyń jıyntyq kestesi men poezdar qozǵalysynyń normatıvtik grafıgin tırajdaý jáne jolaýshylar poezdarynyń qozǵalys kestesin jarııalaý úshin qoldanady.
31. Ulttyq ınfraqurylym operatory:
1) poezdardyń qozǵalys qaýipsizdigin qamtamasyz etýdi;
2) magıstraldyq temirjol jelisi ýchaskeleriniń ótkizý jáne tasymaldaý qabiletin jáne temirjol stansııalarynyń óńdeý qabiletin anaǵurlym tıimdi paıdalanýdy;
3) magıstraldyq temirjol jelisi ýchaskelerin ustaý jáne jóndeý jónindegi jumystardy júrgizý múmkindigin eskere otyryp, poezdar qozǵalysynyń normatıvtik grafıgin qalyptastyrady.
Poezdar qozǵalysynyń normatıvtik grafıgin ázirlegen kezde temirjol jelisi ýchaskeleriniń tehnıkalyq ereksheliginde kórsetilgen magıstraldyq temirjol jelisi ýchaskeleriniń táýliktik ótkizý qabileti segmentteriniń árqaısysy úshin jeke poez sanatyna qaraı basymdylyq negizinde magıstraldyq temirjol jelisiniń erkin ótkizý qabiletin bólý júzege asyrylady.
32. Poezdar qozǵalysynyń normatıvtik grafıgi kúntizbelik jylǵy mamyr aıynyń sońǵy jeksenbisinde 00 saǵat 00 mınýttan bastap qoldanysqa engiziledi jáne kelesi kúntizbelik jylǵy mamyr aıynyń sońǵy senbisinde 24 saǵat 00 mınýtta qoldanysyn toqtatady.
Poezdar qozǵalysynyń normatıvtik grafıgi bekitilgennen keıin tasymaldaýshy men ulttyq ınfraqurylym operatory arasynda osy Qaǵıdalarda belgilengen tártippen shart jasalady.
33. Poezdar qozǵalysynyń naqtylanǵan grafıgin jáne poezdar qozǵalysynyń jıyntyq kestesin ulttyq ınfraqurylym operatory aılyq josparlaý sheńberinde naqtylanǵan parametrlerdi eskere otyryp, poezdar qozǵalysynyń normatıvtik grafıgi negizinde qalyptastyrady.
34. Tasymaldardy uıymdastyrýdyń qoldanystaǵy tehnologııasyn eskere otyryp, Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesiniń sheńberinde tasymaldaýshylar mynadaı merzimderde:
1) Táýelsiz Memleketter Dostastyǵyna qatysýshy memleketterdiń temirjol kóligi jónindegi ortalyq keńesine qatysýshy elder baǵytynda tasymaldaý kezinde – tasymaldaý josparlanǵan aıdyń aldyndaǵy aıdyń on tórtinen keshiktirmeı;
2) Qazaqstan Respýblıkasynyń aýmaǵy arqyly tasymaldaý kezinde tasymaldaý josparlanǵan aıdyń aldyndaǵy aıdyń jıyrmasynan keshiktirmeı – aılyq tasymaldar josparyn jınaqtaý jáne kelisý úshin ulttyq ınfraqurylym operatoryna engizedi.
6-Paragraf. Magıstraldyq temirjol jelisi qyzmetterin kórsetýge shart jasasý
35. Shart jazbasha túrde poezdar qozǵalysynyń normatıvtik grafıgi jáne jıyntyq kestesi bekitilgennen keıin normatıvtik qozǵalys grafıgi qoldanysqa engizilgenge deıin keminde eki aı buryn jasalady. Sharttyń qoldanylý merzimi poezdar qozǵalysynyń normatıvtik grafıginiń qoldanylýy kezeńin quraıdy.
36. Qosymsha ótinimder boıynsha shart tasymaldardy júzege asyrýdyń kúntizbelik aıy bastalǵanǵa deıin keminde bir aı buryn poezdar qozǵalysy normatıvtik grafıginiń qoldanylýy kezeńinen aspaıtyn merzimge jasalýǵa tıis.
37. Eger sharttyń qoldanylýy kezeńinde tasymaldaýshynyń dáıeksiz aqparatty jáne osy Qaǵıdalardyń 19-tarmaǵynyń 5), 6), 7), 8), 9), 10), 11), 12), 13, 14), 15), 16), 17), 18) tarmaqshalarynda kózdelgen (boljamdy kórsetkishterdi qospaǵanda) qujattardy berý faktileri anyqtalǵan jaǵdaıda, ulttyq ınfraqurylym operatorynyń shartty bir jaqty tártippen buzýyna ruqsat etiledi.
7-Paragraf. Poezdar qozǵalysynyń normatıvtik grafıginiń qoldanylýy kezeńinde magıstraldyq temirjol jelisi qyzmetterine qol jetkizýge arnalǵan qosymsha ótinimder
38. Qosymsha ótinimder tasymaldaý júzege asyrylatyn kúntizbelik aı bastalǵanǵa deıin keminde eki aı buryn beriledi.
39. Tasymaldaýshynyń qosymsha ótinimderi osy Qaǵıdalardyń talaptaryna sáıkes resimdeledi.
40. Qosymsha ótinimder kelip túsken sátinen bastap bir aı ishinde osy Qaǵıdalarda belgilengen talaptarǵa sáıkestigi turǵysynda qaralady, olardy qaraý qorytyndylary boıynsha ulttyq ınfraqurylym operatory shartty ne jasalǵan sharttarǵa qosymsha kelisimder jasasý týraly máseleni qaraıdy.
41. Qosymsha ótinimder boıynsha ótkizý qabiletiniń úlesin bólý magıstraldyq temirjol jelisiniń bos emes nemese bosatylǵan ótkizý qabileti esebinen aılyq josparlaý sheńberinde jáne kelip túsken ótinimderdiń kezektiligi tártibimen júzege asyrylady.
8-Paragraf. Magıstraldyq temirjol jelisine qoljetimdilik
berýge arnalǵan ótinimderdi qamtamasyz etý kepildigi
42. Tasymaldaýshy magıstraldyq temirjol jelisi qyzmetterine qoljetimdilik berýge arnalǵan ótinim boıynsha min